بس فى بنات سألونى على طريقه للكيك العادى بتاع الشاى
وشكوى انها بتهبط منهم فقررت انزله ومعاه الكيكه الجامده دى يللا اتفضلوا
علشان لو تحبوا تقيموا ………
المقادير
لطبقة الكراميل
3 با
كو كريم كراميل جاهز3 ونصف كوب لبن
مقادير الكيك
والمقادير دى تنفع للكيك العادى وعلى ضمانتى
من غير الكريم كراميل طبعا
ينفع تعمليها لوحدها بتبقا هايله ومبتحتاجش محسن ولا غيره وبتبقا تحفه وممكن كمان تتزين وتتعمل بيها التورت
2 كوب دقيق فاخر منخول مرتين
نصف كوب كاكاو خام منخول
كيس بيكنج باودر كيك شيف … معلقة كبيره تقريبا
5 بيضات كبار
فانيليا
ذرة ملح ونقطتين خل
كوب سكر
نصف كوب زيت ذره
علبة زبادى الكبير 110 جرام
لو مش عايزينها شيكولاته هنستبدل مقدار الكاكاو بدقيقالطريقه
الاول هنجهز طبقه الكريم كراميل
هنعمل الكريم زى ما مكتوب على العبوه وانا قللت كميه اللبن شويه
ونحضر الصنيه مش مدهونه ولا حاجه
نحط فيها الكراميل كده
ونصبه على الكراميل كده
الكلاكيع اللى على الوش دى وش اللبن كان تقيل قشطه يعنى
نسيب الصنيه ونروح نعمل خليط الكيك
فى وعاء نضيف نخفق البيض مع الفانيليا وذرة الملح والخل 3 دقايق
نضيف السكر بالتدريج
مع استمرار الخفقثم الزيت خيط رفيع مع استمرار الخفق
هيفتح اللو
ن كده
نضيف الزبادى ونستمر فى الخفق 3 دقايق
فى وعاء اخر
نكون ناخلين الدقيق والكاكاو والبيكنج باودر مرتين ولازم نقلب البيكنج باودر مع الدقيق على الناشف بمعلقه
ودى تكه مهمه علشان منلاقيش الكيك الفراغات الكبيره اوى دى لا لازم نوزعه جوه الدقيق كويس قبل مانخلطه مع السوايل
كده
نضيفه لخليط السائل على 3 دفعات ونقلب بمعلقه بالراحه من فوق لتحت
وممكن نضربه دقيقتين بالمضرب علشان نتاكد انه اختلط كويس
نصب خليط الكيك على خليط الكريم كراميل السائل ومتخافوش مش هيتخلطوا ببعض
ندخلها الفرن على 180 طبعا الفرن سخن من تلت ساعه
نحطها فى صنيه اكبر فيها ماء مغلى
هتاخد حوالى 45 دقيقه
نحاول نطلع الصنيه بالراحه وندخلها التلاجه على الاقل 4 ساعات
الكريم كرامي هيبقا سائل تحت الكيك لسه
متخافوش اول لما يدخل التلاجه هيتلم ويمسك نفسه
بعد مابردت تومام التومام
قلبتها كده بصوا بتقول ايه ؟؟؟؟؟؟
يابنتى مش انتى لوحدك اللى بتحبى فتكات
كلنا بنمووووووت ف فتكات
شويه جوز هند بقا
ياسيدى ياسيدى
انيقه وشيك
اضربي اضربي
زوووم ان
بصوا الكيكه عامله ازاى
بجد لازم لازم تجربوها
ودى كيكه فانيليا كنت عملاها فى توبيك تانى
ممكن طبعا نشيل طبقة الموز والكراميل
نيجى بقا للملاحظات اللى ممكن تكون السبب فى عدم نجاح الكيك
لازم تتاكدى من جودة مكوناتك كويس جدا
كل المقادير تكون بدرجه حرارة المطبخ يعنى تطلعيها قبل الشغل بنص ساعه تقريبا
تقفلى البيت كويس ميكونش فيه اى تيارات هوا اثناء تسوية الكيك
وده احد اسباب هبوطها
استبدلى اللبن بالزبادى هيديلك طراوه تحفه للكيك وهيغنيكى عن المحسن
ولو فضلت تلت ايام بتفضل زى ماهيا
نقطه او اتنين خل هتضيع ريحه البيض نهائيا
ممنوع منعا باتا يكاد يكون محرم دوليا
انك تفتحى باب الفرن على المحروسه الا بعد اول نص ساعه
انا العلامه بتاعتى انى بشم ريحة الكيك الحلوة ملت الشقه كده افتح بقا واطمن
بعد مانتاكد انها استوت وكله تمام نطفى الفرن ونسيب الكيك جواه
كمان نص ساعه يهدى ده بالنسبه لكيك الشاى يابنات الكيك الساده يعنى
إقرإي مواضيع أخرى عن الطبخ
Put the internet to work for you.
0 تعليقات:
إرسال تعليق