حنسوي كعك ابو السمسم وبالخطوات المصورة
المقادير:
5 كوب طحين 1 كوب دهن او زبد 1 كوب سكر 3 م/ك حليب باودر كوب او اقل ماء حسب الحاجة وحسب نوعيية الطحين رشة ملح م/ص فانيلا باودر واهم شي ال امونيا الي هي التسوي الكعك مقرمش ونستعمل م/ط ونخليهم كلللهم سوه ونعجن
وبهلشكل يصير شكل العجينه يكون اشويه الين من عجينة الكليجة
وبعد ما كملنه عجنها رأسن نشتغل بيها وهنا اخذت عجينه صغيرة وكورتها وشويه ظغطت عليها
هنا اخليها بالسمسم وابدي اظغط عليها حتى اتخف وتاخذ كمية زينة من السمسم
هنا هم اخذت قطعه من العجين وبرمتها بشكل طولي وخليتها بالسمسم واطويها بهلشكل
هنا بعد ما كملت الصينيه اشويها بالفرن على درجة 200 ولحد ما تتحمر
وهذا شكله للكعك بعد الشوي
وهذا الكعك وطعمه خطييييير ومقرمش ومثل كعك المحلات
وانشالله اتجربوه ويعجبكم لان كلش سهل وسريع بالتحضير
إقرإي مواضيع أخرى عن الطبخ
Put the internet to work for you.
0 تعليقات:
إرسال تعليق