نحضر الصينيه يستحسن تيفال يعني او ممكن بايركس وتدهن شويه زيت ونوزع فيها 5 وحدات جبنه كيري متقطعه صغير ممكن جبنه مثلثات ( ممكن من غير خالص بس انا حطيت مثلثات لان ده اللي كان عندي )
نيجي لمقادير العجينه السهله
نحط في الخلاط كبايه لبن
كوب ونص دقيق ابيض
اقل من نص كبايه زيت
1 م ص خميره
1م ص بيكنج باودر
بيضه
ذره ملح
1 م ص سكر
ربع كبايه ميه دافيه
( انا زودت 1/2 معلقه توم بودره من عندي و1/2 معلقه بصل بودره ) ده اختياري بس ادوها طعم خطير
ونضربهم كويس وبعدين نصبهم في الصينيه ونقلبهم مع بعض عشان الجبنه تدخل في العجينه زي مانتو شايفين ( انا حصيت كل المكونات في الخلاط ماعدا الدقيق لاني خفت يلزق في الخلاص معرفش اغسله بعد ما المكونات التانيه اضربت كويس اوي اوي ضفت كله على الدقيق في طبق كده وقعدت اضرب بالمضرب اليدوي كانك بتعملي كيكه يعني بس العجينه دي بتكون شبه سايله شويه )
نحط خلطه الصلصه او صلصة البيتزا الجاهزه او الكاتشب ( انا حطيت كاتشاب بس اكتر شويه من الصوره دي )
بعد كده ممكن تحطي باه اي حاجه على للحشوه زي ماتحبي صاحبه الموضوع كانت حاطه نقانق ( سوسيس ) مقطعه صغير ومتشوحه في شويه زيت وملح مع بصل اخضر وفلفل بارد مقطعين صغار ( انا بصراحه محطتش غير خضار ،، مشروم معلب وطماطم وفلفل الوان وبصل وزتون اخضر لان مكنش عندي اسود وكل دول خدتهم تشويحه على النار بسرعه عليهم شويه ملح وفلفل صغيرين ورشه اوريجانو بتخلي الطعم حلو اوي ووزعتها على وش البيتزا بالراحه
ونضيف جبنه موزاريلا مبشوره
ثم ندخلها الفرن من تحت 20 دقيقه وبعدين نولع عليها من فوق شويه عشان الجبنه تسيح (انا طلعتها بعد 15 دقيقه عشان كنت مولعه الفرن على اعلى حاجه وكنت ببص عليها واهزها عشان اشوفها اتحمرت من تحت ولا لاء عشان الوقت وبعد كده رشيت شوبه زيت زتون صغيرين من على الوش عشان الجبنه تحمر وتباه حلوه )
ودي لما طلعت ده شكلها
ودي لما اتقطعت بصو الجبنه باينه ازاي من تحت ( انا اللي عملتها كان اتخن سنه من دي )
طلعتها بس من الفرن تهدى شويه وبعدين حطتها في الفرن اللي تحت ده اللي هو الدرح الصغير اللي تحت الفرن الاصلي عشان تباه دافيه .. وكان عندي بطاطس نص جاهزه في الفريزر طلعتها قليتها … وجمبها سلطه خضرا عملتها في السريع ،،، وكان عندي عيش فينو بايت ( هو المفروض باجيت ) قطعته ترنشات ودهنته بعجينه توم لانها كانت عندي برده ورشيت عليها جبنه موتزريلا وعليها برده شويه اوريجانو ودخلتهم الفرن وهو مطفي لانه اصلا كان سخن اوي من البيتزا وكان جميل اوي ،، والحمدلله خلصت قبل ماييجو ب 5 دقايق ،، وجوزي مكنش مسدا نفسه قالي عملتي الكلام ده كله امتى لان البيتزا العاديه بتاخد مني وقت بصراحه .. والحمدلله عجبت جوزي وصجابه اوي وعدت على خير ،،
ودي طريقه العيش بالتوم زي اللي في بيتزا هت هيه مستخدمه عيش باجيت وزبده في درحه حراره الغرفه وتوم مفروم
واسيبكو مع الصور ( ودي كلها صور منقوله )
انا عملتها باه غير كده يعني عيش فينو ترنشات وعحينه توم هيه جاهزه ودهنته ورشيت جبنه واريجانو وفي الفرن وطلع نفس الصوره الاخرانيه
إقرإي مواضيع أخرى عن الطبخ
Put the internet to work for you.
| |
| Recommended for you |
0 تعليقات:
إرسال تعليق