السلام علييكم ورحمة الله وبركاته
انا اسفه انى اتاخرت على طلبوا منى عش البلبل والخبز
بس الحمدلله عملتهم اليوم وصورتهم ويارب يعجبكم
خبز الطاوة او خبز الصاج
مقادير العجينة واحدة للاتنين
تلات كوب دقيق – كوب زبادى – استخدم نص كوب حليب بس مش الكوب كله
معلقه خميره – معلقه سكر – رشه ملح – معلقتين زيت
خلطت الاول
الدقيق والخميرة والسكر والملح والزيت
بعدين ضفت الزبادى
وخلطتهم
واحتجت نص كوب حليب بس
وده بيختلف من نوع دقيق لنوع تانى ممكن تحتاجى اكتر من الحليب
وممكن اقل
وعجنتها فى العجانه لحد ما اتعجنت كويس ولمت
وسيبتها تخمر
ولما خمرت
وقسمتها نصين
نص قطعته 10كور صغيره للخبز
والنص التانى عملت بيه فطيرة عش البلبل
اولا فطيرة عش البلبل
دى منتشرة قوى هنا فى السعوديه ولذيذه قوى
والحمدلله اتعملت اعملها فى البيت لانها سهله جدا
ومقاديرها متوفره وحشتوها سهله
مقادير الحشوة
لبنه – جبنه ممتزريلا – عسل نحل
اولا فردت العجينة
ثم دهنتها لبنه
ثم طبقة من المتزريلا
وعلى فرن سااااااااااااحن ومتشغل من تحت ومن الشوايه
لحد ما يتحمر وشها بالشكل ده
وبعد ما تخرج من الفرن برش عليها عسل النحل
وبالهنا والشفا
خبز الطاوة
بعد ما اقطعها واكورها بسيبها تخمر عشر دقايق
وبأخد كورة كورة افردها واكون مسخنه طاسه على النار
وياريت تكون تيفال ومش ندهنها حاجة
اى طاسه مش ندهنها
واحطها فى الطاسه
واول ما تفأفأ اروح قلبها يا دوب تشم النار بس وتاخد لون بسيط
عشان تفضل طرريقة وطعمها لذيذ قووووووى
وبس
وبالهنا والشفا
إقرإي مواضيع أخرى عن الطبخ
Put the internet to work for you.
0 تعليقات:
إرسال تعليق