المكونات:
ورق عنب
كاستين أرز أسترالي ( صنوايت ) .
حبتين كبار طماطم بندوره
حبتين كبار بصل .
حزمة بقدونس . تقدرين تقولين مقدار اربع قبضات .
ربع حزمة نعناع . قبضه وحده .
شوية شبنت( اختياري ) . مايقارب ربع الحزمه .
كأس عصير ليمون .
كأس زيت زيتون عصره أولى .
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ورق نعناع مجفف او مفروم طازج تقريبا ملعقه طعام .
ملعقة صغيره بهار حلو .
ملعقة صغيره فلفل أبيض .
ملعقه صغيره قرفه .
ملح .
ماء للسلق .
طماطم وبطاطس .
الطريقه :
ـ اغسلي الخضار وصفيه من الماء .
ـ أغسلي الارز
ـ افرمي الخضار ناعم
ـ صفي الرز من الماء زين واضيفيه للخضار .
ـ ضعي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .
وهذي الحشوه بعد ماجهزت .
الافضل ان مقدار الحشوه تكون ثلث رز مقابل ثلثين خضار .
ـ نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .
ـ الحين ناخذ ورق العنب نغسله ونشيل السيقان ( الروس ) .
ولما تلفون الورق ركزوا لازم تحطون الحشوه بالجهه الخشنه اللي عروقها بارزه
بالنسبه لطريقة اللف يبيلها شوية شد مو تشدينه بقوه ولا ماراح ينفش الرز براحته وحيتكتل .
ضعي الحشوه .
من ثم لفي الجنبين .
الحين شدي شوي وانت تلفين . والترتيب باللف كفيل انه مايخلي شكله يخرب اثناء الغلي .
وهذي هي ..
ونرصها بالقدر .
وهذا القدر بعد ماخلصت اللف خليهم مرصوصين جنب بعض .
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم مع ورق النعناع المجفف او المفروم ( ناعم)
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح .
إضغطي القدر بصحن سيراميك او اي شغله ثقيله . واضيفي الماء لين يغمره بهالشكل .
وخليه لين يغلي ، اول مايغلي هدي النار عالآخر ، وخليه ساعه بالتمام.
وهذا شكله وهو ناضج .
بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته ولونه الزاهي بالثلاجه لحين التقديم .,
لون الصوص وسمكه لازم مايكون مثل الماء ، تحسيننه مثل الرُب و الصوص ثقيل .
غطيه واحتفظي فيه بالثلاجه ، رصيه بصحن التقديم زينيه بشرحات الليمون .
ويقدم بارداً
ملاحظه:
البعض يحب يضيف سماق او دبس رمان للحشوه ، اللي يحب يضيفله راح يعطي نكهه مميزه .
وصحه وعافيه .
0 تعليقات:
إرسال تعليق