الفطيرة التركيه بالدجاج
———-
صدور فراخ مقطعه -بصل مفروم مع فصين توم -فلفل اخضر -جزر مبشور -جبنه مثلثات او كيرى او اى جبنه -جبنه مونزاريلا -مكعب ماجى -مايونيز -البهارات اللى تحبيها -مسترده – خل -ملح
بتبل الصدور على ما اقطع الخضار بتبلها بالملح والفلفل وبهارات فراخ او اى بهارات تفضليها ومسطرده وخل نشوح البصل بالتومه فى شوية زيت او سمن وانزل بالجزر والفلفل الاخضرلحد ما يدبلو احط الصدور واقلب وبعدين احط الجبنه المثلثات
واسيب الفراخ تستوى. لما اطفى النار عليها احط معلقتين كبار مايونيز.
خلصنا الحشوة اعمل العجينه بقى
————————–
3 كوب دقيق -تلت كوب زبده -بيضه -كوب زبادى -3 معالق حليب بودر -معلقه كبيره خميرة فوريه -ملح -سكر -مايه دافيه
السر اللى توصلتله فى نجاح العجين علشان يبقى هش وطرى وابيض هووووووو؟؟؟؟!!!!!
انى اعجن كتييير افضلى لتى واعجينى فيها حوالى 10 دقايق لربع ساعه معلش هاتتعبى شويه بس دا اللى بيخليها روعه
اعجنى لحد ما العجينه لونها يفتح وتنعمم بتبقى حلوه اوى من كتر العجن واسيبها تخمر نص ساعه وابدا فى التشكيل
اجيب صنيه ادهنا زيت خفيف
افرد طبقه عجين رفيعه زى البيتزا واحطها فى الصنيه واحط عليها الحشوة الجميله بتاعتى
وبعدين احط المونزاريلا علشان تربط الحشوة
اعملها بقى الطبقه التانيه من العجين افرد كورة عجين بس تكون رفيعه على اد الصنيه واعملها فتحات بالسكينه
علشان تدينى شكل الشبكه لما افردها على الحشو
وادهنها بيض بالبن وادخلها الفرن
ودا شكلها بعد ما خرجت من الفرن
ودا شكلها بعد التقطيع
هاشه جدا ماشاء الله وطريه اوى
اتمنى تجربوها بجد هاتعجبكم ان شاء الله
إقرإي مواضيع أخرى عن الطبخ
Put the internet to work for you.
0 تعليقات:
إرسال تعليق